दलालले झुक्याएर साउदी पुर्यायो, फाँसिको सजाय छोरालाई, परिवारको बिचल्ल

काठमाडौं– हास्य तथा ब्यंग्यका चर्चित राजा राजेन्द्र पोखरेलले वैदेशिक रोजगारीको पीडा समेटेर मार्मिक गीत ‘सालको पात’ दर्शक तथा स्रोतामाझ ल्याएका छन् ।

यो गीतमा विदेशमा रोजगारीको शिलशिलामा गएका व्यक्ति जेल पर्दा त्यसको परिवारमा पर्ने पीडालाई चित्रण गरिएको छ । यो गीतमा श्रमदीप चौलागाईँको शब्द तथा संगीत छ । गीतमा गोपाल रसाइलीको संगीत संयोजन छ ।

गीतको भिडियोमा वैदेशिक रोजगारिको शिलशिलामा विदेश गएका एक व्यक्ति विदेशको जेलमा पर्दा त्यसको परिवारले उसलाई नेपाल ल्याउन गर्ने विभिन्न संघर्षको कथा बुनिएको छ ।

भिडियोमा शिल्पा पोखरेल, सुरवीर पण्डित, युवराज गौतम, एलेक्स खड्का आदि कलाकारले अभिनय गरेका छन् ।

दिन्सन शाहको सम्पादन रहेको भिडियोको छायांकन तथा निर्देशन ज्ञानेन्द्र एस हुमागाईँले गरेका हुन् ।

‘हामीले गीत लामो समयसम्म प्राथमिकता पर्ने हिसावले तयार पारेका छौं, गायक पोखरेल भन्छन् – ‘गीतले आपतमा परेका नागरिकलाई पनि झक्झक्याउँछ ।’

राजेन्द्रका अहिलेसम्म चार वटा गीत बजारमा आएका छन् । गायन पनि कलाकारिताको एउटा महत्वपूर्ण पाटो भएकोले आफुले अभिनयसंगै गायनमा पनि रुची देखाएको पोखरेलको भनाइ छ ।