केशव पौडेलको “उही खोलीमा पानी २” सार्वजनिक

युट्युबमा पहिलोपटक एक करोड भ्युज पाउन सफल दोहोरी गीत ‘उही खोलीमा पानी” का सर्जक केशव पौडेलको नयाँ सिर्जना उही खोलीमा पानी २ भर्खरै बजारमा आएको छ।

केशव पौडेलको शब्द, खेम पुनको लय रहेको उक्त गीतमा बसन्त थापा र देवी घर्तीको स्वर सुन्न पाइन्छ। गीतमा याम थापा मगरको एरेन्ज रहेको छ ।

“जवानीको औषधि’’ नाम दिएर उही खोलीमा पानी २ लाई सार्वजनिक गरिएको छ ।

बसन्त थापा र देवी घर्तीको स्वरमा रहेको गीतको भिडियो हालसालै सार्वजनिक गरिएको हो ।

दोलखा जिल्लाका मनोरम दृश्यहरु समेटेर छायांकन गरिएको जवानीको औषधिको भिडियो चित्र मास्की मगरको निर्देशनमा लोमश शर्मा र रबिना भण्डारीको जीवन्त अभिनयमा विवेक बि.क.ले छायांकन गरेका हुन् भने भिडियोमा पदम सुवेदीको ग्राफिक्स एवं सम्पादन छ ।

पौडेलको सिर्जनामा यश अगाडि गुन्द्रुक मीठो, पुतली, रामकसम चट्टै लगायतका गीतहरू ले नेपाली लोक सांगीतिक क्षेत्रमा राम्रो चर्चा र लोकप्रियता बटुल्न सफल भएका थिए । हेर्नुहोस भिडियो !